Musika sortzeko eguneroko bizitzan ditugun materialen erabilera aspaldiko
kontua da. Hezkuntzaren munduan aritu diren autore askok erabili izan dituzte
klaseko material bezala (Froebel, Montesori edota Agassi aizpak adibidez);
Hauen erabilera helburu desberdinak zituen: altueraren ezagutza, tinbre eta intentsitatearen
arabera objektuen bereizketa, etab.
Gure burmuinean soinu ezberdinei buruzko informazioa gordetzen dugu eta
hauek entzutean bizitako esperientziekin lotzen ditugu asoziazio ezberdinak
eraikiz. Askotan, soinu bakar batekin egoera konplexuagoak imitatu ditzakegu:
trumoia, basoa, oilarraren kantua, etab.
Gainera soinu hauei buruzko konparazioak egitera jotzen dugu: Zeren antza
dauka? zeri gogorarazten nau?
Azken hamarkadetan, material berrien sarrerarekin, musika egiteko objektuen
kantitatea asko handitu da, azken hauekin naturako soinuen imitazioa hobetuz.:
zaldien ibilera tamaina desberdineko plastikoekin, trumoiak aluminioko
kartulinekin, etab.
"Kotidiafonoak" bi taldetan banatu daitezke:
·
"kotidiafono sinpleak" : ez dute beste materialen
beharrik, berez eginda daude: botilak, tapak, objektu metalikoak, enbaseak.
·
"kotidiafono konposatuak" : normalean objektu edo material bat
baino gehiago erabiltzen direnean.
Zeintzuk dira haur hezkuntzan "kotidiafonoak" erabiltzearen
helburuak?
o
Ikasleak soinua sortzeko material
edo objektu desberdinekin kontaktuan jarri
o
Gozatu eta aurkikuntza
berriengatik plazerra lortu
o Bakoitza beraien materialak eta
soinuak lortzeko kapazak izatea, entzumenaren fintasunarentzat estimulu
bihurtuz.
o
instrumentuak maneiatzeko abilezia
lortu
o
Soinu instrumentuen erabilera
edo eraikuntza egitean sormena garatu.
o
Gelako soinu bateratuen eraketan
parte hartu
o
Taldeko eraketak baloratzea
lortu iritzi kritikoa garatuz
Hau lortzeko ikasleei honakoa erakutsi beharko genieke: Objektu desberdinen
materiala, tamaina eta formak; Soinua nola eratu; Soinuaren ezaugarriak;
Soinuaren konbinazioak; Instrumentuekin abestiak inprobisatu eta sortu; Soinu
instrumentu errazak eraiki eta instrumentuekin haur kantak taldean jo.
Hala ere, haur hezkuntzan "kotidiafonoak" erabiltzeko orduan,
lehenik eta behin beharrezkoa da irakasleak arlo hauetan gaitasunak izatea: Soinua nola sortu jakitea,
instrumentu errazen eraikuntza ezagutzea, eta garrantzitsuena dena, soinuaren
esplorazioa egitea.
Soinuaren esplorazioari buruzko ariketak antolatzeko, planifikazio on bat
izatea ezinbestekoa da, eta hauek burutu haurretik galdera batzuk erantzun
behar ditu irakasleak:
o
Zeintzuk dira helburuak?
o
Zein material erabiliko dira? zergatik?
o
Taldeko lana nola antolatuko da?
o
Nola antolatuko da taldea?
(talde txikiak, denok batera, lurrean eserita mahaien inguruan, etab.)
o
Irakasleak nola lagunduko ditu
ikasleak? behatuz bakarrik, sormena garatzen lagunduz, kopiatzeko ereduak
emanez, etab.
o
Nola antolatuko dira soinu indibidual berrien aurkikuntzak? Eta hauek
zein jarduera musikaletan erabili
daitezke?
Galdera hauei erantzuna aurkitzeko, soinuaren esplorazioari buruzko
ariketak honoko irizpideak kontutan hartuz antolatu daitezke:
Ø
Materialaren ingurukoak
- Material desberdinak hauek sortu
ditzaketen soinuak kontutan hartuz aukeratu behar dira eta horretarako, irakasleak aurretiaz behatu
behar ditu.
- Ikasleen adin desberdinentzat
egokiak izan behar dira.
- Haurrengandik espero dugunarekin
bat egon behar da.
- Ikasle guztiek materialekin lan egiteko aukera izan behar dute, beraz,
denontzako material nahikoa egon behar da.
- Instrumentu berriak aurkezteko orduan taldeko jarduerak ondo antolatu behar
dira.
Ø
Espazioaren ingurukoak
- Prestatutako jarduerekin bat egon behar da.
- Erabiliko diren materialak kontutan hartuta aukeratuko da: soinua
desatsegina bada: kalea; ez bada: klasea, etab.
- Erabiliko den gelaren espazioa aldatu daiteke jardueren arabera.
- Espazio horretan ikasleen antolamendua ere jardueren araberakoa izango
da.
Ø
Denboraren ingurukoak
- Haur bakoitzak esploratzeko denbora desberdina behar du eta jardueren
iraupena honen araberakoa izan beharko da.
- Miaketa egiteko beharrezkoa izango duten denbora, adinaren, materialen
eta proposatutako ekintzaren araberakoa izango da.
- Iraupena ondo aukeratzea garrantzitsua da beharrezkoa ez denean
iraupenean ez gaineratzeko.
Ø
Irakasleak esku hartzearen ingurukoak
- Hiru etapa ditu: klaseak aurretiaz prestatu (materiala, espazioa eta
denbora), jardueraren hasiera ( haurren antolaketa, materialen antolakuntza)
eta jardueren garapena (jarduerak ondo antolatu beraien artean eta nahi den
helburua lortu jarduera bukatzean).
- Azalpen argiak eman jarduerak bideratzeko orduan baina irakaslearen
eredurik gabe.
- Klaseak era desberdinean gidatu jarduera bakoitzean.
- Bai taldeko zein bakarkako beharrizanez arduratu.
“Kotidiafonoen” adibideak
- Koilara
bi elkarren kontra talka eginez.
- Edateko
jogurta baten botila dilistaz, garbantzuz edo arrosarekin bete marakek sortzen
duten antzeko soinua eratuz.
- Beirazko
botila baten sarreran putz eginez.
- Komunean
eskuoihalak berotzeko egoten den berogailuan eskuarekin edo beste objektu
batekin gora eta bera eginez.
- Biberoiaren
tapa kendu eta ipini.
iruzkinik ez:
Argitaratu iruzkina